Meco e Sono, da compañía Xarope Tulú Teatro, chega a Arteixo da man da programación «Outono Cultural».
Trátase dun espectáculo de narración oral, teatro de bonecos e creación sonora en directo dirixido ao público infantil de entre 0 e 6 anos. Cunha duración aproximada de 35 minutos, a función poderá verse con invitación previa.
A obra, concebida como un conto de arrolos para a primeira infancia, conta coa autoría, dirección e interpretación de Atenea García e Xiana Arias, escritora e xornalista radiofónica, que achegan música e voz en directo.
A cita, o venres 10 de outubro ás 18:30 horas na Capela do Balneario de Arteixo.