Arteixo é a 3ª parada da exposición itinerante “Bucea na historia do mar”. Poderá visitarse na sala de exposicións do Centro Cívico Cultural de Arteixo ata o luns, 13 de febreiro.
A mostra, composta por 21 fotografías, forma parte de Rimartes. Riquezas do mar, tesouros do profundo, un proxecto de turismo experiencial promovido polos GALP (Grupos de Acción Local so sector Pesqueiro) da Costa da Morte, Golfo Ártabro Sur e Costa Sostible.
Trátase dunha oportunidade para coñecer algúns dos tesouros vinculados ao noso patrimonio subacuático, así como as fotos gañadoras do I Concurso de FotoSub en Pecios de RIMARTES.