Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > "Una flor en la nevera" contra a explotación sexual infantil

/ «Una flor en la nevera» contra a explotación sexual infantil

A Concellaría de Igualdade, Servizos Sociais e Educación súmase á conmemoración do Día contra a explotación sexual infantil que tivo lugar o pasado 4 de abril coa obra teatral «Una flor en la nevera. Ritual de descongelación» que poñerá en escena a compañía «Pez Luna».

Será o venres 8 de abril ás 20.30 no Auditorio do Centro Cívico e Cultural de Arteixo e as invitacións están dispoñibles para recoller no Centro de Información ás Mulleres; ou unha hora antes o día do evento no Centro Cívico Cultural.

Esta obra de teatro documental contemporáneo foi creada a partir de entrevistas a persoas anónimas, para abordar unha temática escondida, un segredo do ser humano, non nomeado pola sociedade. Esta obra amosa as consecuencias perennes que sofre o ser humano a partir do abuso sexual

A súa creadora, Mercedes Herrero Pérez, nomeada mellor actriz pola Unión de Actores/Actrices de Castela e León no 2017, afirma que o espectáculo é un ritual de sanación, xa que solo verbalizando o sucedido se pode sanar.

A protagonista é un corpo adulto que fala con outros corpos adultos ós que lles desvela o seu segredo, para levar a cabo unha cerimonia de sanación no que o público xoga un papel fundamental. A obra está dirixida a un público con desexo de saber, que entren ó teatro a abrir os ollos e o corazón.

A temática da obra é a fraxilidade da infancia, a responsabilidade das persoas adultas que a rodean, a súa capacidade de querer ver a estes seres que invaden corpos alleos, adultos que en ocasións pertencen ó ámbito familiar máis próximo. Esta obra é un espazo para dar voz.

Ir al contenido