Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Proposta cultural para a fin de semana da Feira 1900

/ Proposta cultural para a fin de semana da Feira 1900

A pandemia deixa ao concello de Arteixo, por segundo ano consecutivo, sen a súa tradicional Feira Histórica. Non é o único evento deste tipo xa que a COVID tamén evita que se celebre o Pequeno Mercado dos Caprichos, recollido no programa do Outono Cultural. Pese a todo a Concellaría dirixida por Ana Bello presenta unha completa proposta cultural para a terceira fin de semana de outubro:

O venres 15 ás 20:00 h o Auditorio de Arteixo volverá a vibrar con dúas das mellores voces da música folk tradicional: a arteixá Fransy González (unha das fundadoras da Asociación Xuvenil Xiradela) e Davide Salvado. Cibrán Seixo achega ao conxunto a melodía do violín, nunha unión de instrumentos totalmente compacta. Voz, pandeireta e pandeiro son os ingredientes principais desta idea conxunta, cunha nova sonoridade na que mostran cancións de sempre sen perder, cada un deles, o seu estilo persoal. O acceso será con entrada de 4e 3 €, que se poderán mercar en horario de 11:30-13:30 h e 2 h antes do concerto.

O sábado 16 tócalle a súa quenda ás crianzas da casa que poderán gozar de títeres e teatro da man da compañía coruñesa, Duende Sico, que celebra o seu 20 aniversario. A primeira das funcións, «Elba e Marcos e os xoguetes encantados» será ás 17:00 h no Anfiteatro (en caso de choiva, Auditorio) e a segunda «A mestra da lingua» ás 18:30 h no Auditorio. Para asistir deberase recoller a invitación 1 h antes das funcións no CCC de Arteixo.

Nesta ecuación non podería faltar a danza. O domingo 17 ás 17:00 h temos «Ser e Terra» no Anfiteatro, un espectáculo de curta duración (uns 20 minutos) no que se recolle a esencia máis pura de Nova  Galega de Danza. O seu incesante empeño por buscar novas formas de expresión reinterpretando o baile galego a través de códigos contemporáneos aflora nunha montaxe que propón un percorrido pola súa traxectoria a través dunha selección de pezas dos seus espectáculos Alento (2003),  Engado (2006) e  Tradicción (2010). De poñer alma e corpo a estas coreografías encárganse: Alba Vázquez, Inés Vieites, Jaime Pablo Díaz e Iván Villar, galardoado como mellor bailarín na edición 2021 dos Premios Max polo espectáculo «Leira«. Bailarán música de Pedro Lamas e Xosé Luís Romero. Para asistir deberase recoller a invitación 1 h antes. No caso de choiva, a actuación trasladarase ao Auditorio de Arteixo.

Ir al contenido