O grupo de teatro da Asociación Cultural Faíscas, dirixido por Xavier Ramilo, estrea este venres 17 de decembro ás 20:00 h no Auditorio de Arteixo a súa nova obra «Operación Coroa- un golpe moi real«.
Comedia en ambiente de bar no que coñeceremos ás tribulacións, soños e plans delictivos de Nora, Marica e Rosiña.
A AC Faíscas son un grupo de mulleres, todas elas de Arteixo, que leva case 20 anos ofrecendo espectáculos teatrais cómicos para toda a familia así como colaborando en diferentes eventos promovidos pola Concellaría de Cultura como a Mostra de Teatro Afeccionado e facendo animacións de rúa no Entroido ou na Feira Histórica Arteixo 1900.
Para poder asistir como público deberase recoller a invitación 1 h antes da función ata completar a capacidade da sala que as autoridades sanitarias permitan.
