Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O futuro do galego protagoniza a cita co teatro desta semana

/ O futuro do galego protagoniza a cita co teatro desta semana

O auditorio do centro cívico acolle este venres ás 20.30h o espectáculo «Falar por falar» que pon en escena a compañía «Volta e dalle». Unha comedia galega de Carlos Santiago de Víctor Mosqueira que aborda o futuro incerto da lingua galega.

Malia os niveis de protección legal do idioma, e case dous séculos de rexurdimento civil e literario, o descenso de falantes é evidente, con grande incidencia nas novas xeracións de galegas e galegos. Atravesada por conflitos de longa data e certamente mareada polos avatares da política, a lingua segue viva e reclama o seu lugar natural nas nosas vidas. Moita xente mamouna no berce, outra demorou en romper a falala, e hai quen nunca a falou nin nunca a falará. Por iso «Falar por Falar» proponnos un achegamento á realidade da lingua, desde a propia vivencia dos falantes e os non falantes.

Espectáculo con entrada: 3 e 2,25 € cunha duración de 65 minutos.

Ir al contenido