O entroido 2024 repartirá 10.000 euros en premios nos distintos concursos que tradicionalmente se levan a cabo en Arteixo.
A Concellaría de Cultura pública as bases dos Concursos Infantil e de Carrozas, Comparsas e Disfraces de Adultos do Entroido 2024.
O Concurso Infantil celebrarase este ano no Pavillón polideportivo de Ponte dos Brozos o sábado 10 de febreiro ás 17:30 h e o Concurso de Carrozas, Comparsas e Disfraces de Adultos será, como ven sendo habitual o martes de Entroido, o 13 de febreiro.
O desfile discorrerá unicamente pola Avenida Fisterra. Comezará ás 17:30 h e rematará no campo da festa onde cada participante subirá ao escenario para entretemento do público arteixán.