Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O Concello recupera os castros de Laxobre e Pastoriza

/ O Concello recupera os castros de Laxobre e Pastoriza

O obxectivo é que ambos xacementos podan visitarse próximamente a través de sendas peonís que os conecten con Arteixo e Pastoriza

O Concello acaba de recepcionar, de Malde Arqueoloxía, os proxectos arqueolóxicos necesarios para expropiar e revalorizar os castros de Laxobre e Pastoriza que nos próximos meses pasarán a ser de titularidade municipal.

O executivo, despois de adquirir os terreos, procederá á limpeza vexetal da zona e realizará un estudo topográfico con xeorradar e se instalará a sinalética necesaria para informar aos visitantes acerca das características dos xacementos. O obxectivo é unir ambos castros a través de sendas peonís que percorran o camiño entre os núcleos urbanos de Arteixo e Pastoriza cos xacementos.

Será unha intervención moi suave para non danar os restos que se atopan no lugar. O obxectivo do concello é revalorizar os dous enclaves para que a veciñanza poda pasear preto deles e dar a coñecer o asentamento a quen o desexe.

Transcribimos unha parte dos proxectos arqueolóxicos dos dous castros realizado por Malde Arqueoloxía: “Proponse unha intervención que contempla a limpeza vexetal dos predios dos dous castros, o despexe dos seus acesos, unha prospección con xeorradar (técnica non destrutiva nen invasora) e unha información en forma de sinalética. A pesar dos emprazamentos característicos e da proximidade a núcleos urbanos, a cuberta vexetal ocultan os castros e dificultan a súa identificación e visita. A limpeza dos castros posibilitará delimitar e facer que sexan facilmente recoñecíbeis os distintos espazos que configuran o xacemento arqueolóxico, que agora se atopan ocultos polo mato. A recuperación dos castros posibilitará seu uso social e que os visitantes poidan acceder de xeito cómodo e seguro aos mesmos”.

Respecto ao castro de Laxobre, Malde Arqueoloxía indica que “o castro localízase na parroquia de Santiago de Arteixo. Está emprazado no cume dun outeiro a 98 metros sobre o nivel do ma, ao pé do esteiro de Sabón, nun interfluvio montañoso que separa aos ríos Arteixo e dos Comares e divide as parroquias de Arteixo e Morás”.

Por outra parte, Malde tamén sinala que “o castro de Pastoriza sitúase nas parroquias de Pastoriza e Suevos (Arteixo), ocupando todo o cume dun outeiro que acada unha altura de 242 metros sobre o nivel do mar, e que forma parte dun cordal montañoso. O Monticaño (lixeiramente máis alto) impide a vista para o Norte. O castro está orientado para a zona que ocupa o núcleo de Pastoriza (Sul), as agras de Rañobre e a zona litoral de Sabón (Este)

Ir al contenido