A concellería de maiores inicia o vindeiro mes de maio un novo programa de estimulación cognitiva deseñado especificamente para as persoas maiores do municipio. Esta iniciativa ten como obxectivo principal ofrecer ferramentas que permitan exercitar a memoria e a atención, ao tempo que se promove o benestar emocional dos participantes nun ambiente próximo e de socialización.
As actividades desenvolveranse no Centro de Maiores A Baiuca cunha planificación de dúas sesións semanais, que terán lugar os martes e os xoves en horario de 10:00 a 11:00 horas. O programa estenderase durante un período de tres meses e as clases darán comezo oficialmente o día 12 de maio. Para asegurar a calidade do servizo e unha atención personalizada, o traballo realizarase en grupos reducidos
As persoas interesadas en participar deberán formalizar a súa inscrición entre o 29 de abril e o 6 de maio nas dependencias do Centro de Maiores A Baiuca. O custo total da actividade está fixado en 7 euros.
Todas aquelas persoas que precisen consultar dúbidas ou obter información adicional sobre o contido das sesións poden facelo no teléfono 981 659 095