O  Centro de Información ás Mulleres (CIM), impulsa a nova edición do grupo de crecemento persoal “Entre Mulleres”. Trátase dun espazo seguro onde as participantes poden falar, escoitar, reflexionar e divertirse sobre temas de actualidade, mantendo sempre o respecto á diversidade de opinións e a confidencialidade do grupo.

Será na Capela do Balneario os últimos xoves de cada mes, de outubro a xuño, de 17:00 a 19:00

As inscricións pódense formalizar do 4 ao 18 de setembro a través do CIM e no teléfono 981 60 14 15

Facemos posible que as mulleres de Arteixo dispoñan dun espazo de crecemento e intercambio de experiencias, promovendo a igualdade e o benestar da comunidade.