Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Cultura ofrece máis de vinte espectáculos nunha nova edición do Outono Cultural

/ Cultura ofrece máis de vinte espectáculos nunha nova edición do Outono Cultural

Son vinte actuacións e catro exposicións as que encherán de cultura e ocio os próximos meses. A Concellería de Cultura pon en marcha a XXI Edición do Outono cultural que se desenvolverá entre outubro e decembro próximos.

O Centro Cívico Cultural albergará toda esta actividade a través da Rede Cultural da Deputación da Coruña, da Rede Galega de Teatros e Auditorios da AGADIC e da Rede de Dinamización Lingüística da Xunta de Galicia.

O cartel inclúe espectáculos teatrais xa consagrados na escena galega; maxia; música ou baile.

O teatro estará representado, entro outros, por Excéntricas, Contraproducións, Elefante Elegante, O Centro Dramático Galego e Sarabela Teatro, esta última gran triunfadora nos Premios María Casares deste ano, con 4 galardóns, entre eles ao mellor espectáculo por «A lingua das bolboretas«.

Tamén estará en Arteixo «Fariña« de Ainé Producións. Tito Asorey dirixe a adaptación teatral do ensaio de Nacho Carretero, protagonizada por Xosé A. Touriñán, César Goldi, Marta Lado, Graciela Carlos e Sergio Zearreta que, desde a súa estrea en 2019, acumula máis de 45.000 espectadores nas súas xiras por Galicia, Madrid e Barcelona, converténdose nun dos fenómenos dunha tempada teatral marcada polas restricións de aforo e mobilidade. Tamén contaremos con compañías de fóra de Galicia como a madrileña ImproMadrid Teatro, que con 20 anos de traxectoria profesional, converteuse nunha das compañías máis coñecidas da escena improvisada mundial pola teatralidade, o risco e a calidade das súas montaxes.

O apartado musical chega da man de dúas das principais voces do panorama musical galego, cunha recoñecida traxectoria musical internacional: a arteixá Fransy González e Davide Salvado acompañados de Cibrán Seixo. Voz, pandeireta, pandeiro e violín son os ingredientes principais desta proposta conxunta, na que mostran melodías de sempre sen perder, cada un deles, o seu estilo persoal.

A maxia estará representada pola experiencia do Mago Teto, un artista habitual na televisión desde os seus comezos, que goza de gran popularidade e recoñecemento entre o público e pola xuventude e frescura do Mago David Maestro, máis coñecido polas súas aparicións televisivas en: Quen anda aí? (TVG), Got Talent España (TELECINCO), Hora Punta e Pura Magia (TVE).

O talento local tamén ten cabida nesta programación: A Escola de Teatro Melandrainas representará dúas obras a través dos seus grupos teatrais ES3HA2 e Pasapadentro ao igual que a Asociación Cultural Faíscas coa comedia «Operación coroa: un golpe moi real» retomará a súa volta aos escenarios. O baile e a música tradicional tamén estarán presentes cun pasacalles o sábado 16 de outubro a cargo da Asociación Xuvenil Xiradela, quen ademais organizará o 28 de novembro o XXI Concurso de Música Tradicional no Auditorio de Arteixo.

Consulta a programación completa neste enlace

Ir al contenido