O Departamento de Xuventude publica a lista de persoas admitidas e a lista de agarda para participar na saída ao Pena Aventura Park, prevista para os días 27 e 28 de agosto de 2025.
Esta actividade, dirixida a mozos e mozas de entre 12 e 30 anos, inclúe dúas xornadas nun dos parques multiaventura máis espectaculares do norte de Portugal, con actividades como tirolinas, canoas, piscina, circuíto aéreo ou montaña rusa. O prezo da actividade é de 30 €, e inclúe desprazamentos, seguro, actividades e comidas.
📩 Confirmación de praza
As persoas que figuran na lista de admitidas deben confirmar a súa praza enviando un correo electrónico a:
👉 xuventude@arteixo.org
No correo deben indicar nome e apelidos para recibir o recibo de pagamento.
⏳ A data límite para enviar esta confirmación é o xoves 8 de agosto ás 14:00 h.
Para calquera dúbida ou consulta, podes contactar coa área de Xuventude a través do mesmo correo electrónico.