Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Cinema e teatro danse a man na axenda cultural da fin de semana en Arteixo

/ Cinema e teatro danse a man na axenda cultural da fin de semana en Arteixo

A última fin de semana de abril chega á programación da Concellería de Cultura cunha dobre cita.

Teatro dos vieiros é un espectáculo infantil que pretende revalorizar a lingua galega e a cultura popular baseándose nunha iniciativa que implantou Ricardo Carvalho Calero cando dirixía o Colexio Fingoi de Lugo, entre 1950 e 1965.

Chega ao Auditorio do Centro Cívico de Arteixo o venres 22 de abril ás 18.30 h.

As entradas, con invitación, pódense recoller 1 h antes ata completar a capacidade da sala. 

 

 

 

 

 

 

 

O cinema está protagonizado, unha vez máis, polos premios Mestre Mateo.O sábado 23 de abril ás 20:00 h no Auditorio do CCC de Arteixo. 

A película que chega a 20 concellos de Galicia e 8 comunidades galegas do exterior é A virxe roxa, galardoada co Mestre Mateo ao Mellor documental o pasado 19 de marzo.

Este documental, para maiores de 16 anos,  conta un suceso que conmocionou á sociedade española dos anos 30 do século pasado, protagonizado por Aurora Rodríguez e a súa filla Hildegart, unha moza que con só 18 anos se convertiu nunha das feministas máis destacadas da Segunda República Española, pero que pasaría á historia por ser asasinada a mans da súa nai.

O documental, dirixido por Marcos Nine, conta con Amalia Mato e Chema Gagino, responsables da idea orixinal, na produción executiva. Ademais de gañar o premio ao Mellor documental, tamén foi finalista na categoría de Mellor montaxe e resultou premiado en festivais internacionais como DOCA ou Blackboard.

O Ciclo Mestre Mateo é unha iniciativa da Academia Galega do Audiovisual en colaboración coas Deputacións de A Coruña, Lugo, Ourense e Pontevedra e a Secretaría Xeral da Emigración da Xunta de Galicia.

 

Ir al contenido