A Concellaría de Cultura fai públicas as bases dos Concursos Infantil e de Carrozas, Comparsas e Disfraces de Adultos do Entroido 2025.
O Concello de Arteixo repartirá un total de 10.770 € en premios distribuídos en 1.310 € para o Concurso Infantil e 6.960 € para o Concurso de Adultos aos que habería que sumar 10 accésits de 100 € e 10 de 150 € por participación nas modalidades de comparsa e carroza respectivamente.
As persoas interesadas en participar teñen de prazo para efectuar a súa inscrición até o xoves 27 de febreiro ben por sede electrónica ou en horario de 9:00 a 14:00 h nas oficinas do Servizo Municipal de Cultura situado no Centro Cívico Cultural de Arteixo. No caso do Concurso Infantil e da modalidade de disfraces de adultos poderá ampliarse o prazo até o mesmo día da súa celebración.
O Concurso Infantil celebrarase este ano no Campo da Festa o luns 3 de marzo ás 17:30 h e o Concurso de Carrozas, Comparsas e Disfraces de Adultos será, como ven sendo habitual o martes de Entroido, o 4 de marzo.
O desfile comezará ás 17:30 h e rematará no campo da festa onde cada participante subirá ao escenario para entretemento do público arteixán.
Bases e inscricións concurso de disfraces adultos
Bases e inscricións concurso de carrozas adultos