Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Chega a Arteixo a exposición sobre os 50 anos da Casa de Rosalía

/ Chega a Arteixo a exposición sobre os 50 anos da Casa de Rosalía

Arteixo acolle desde hoxe a exposición ‘A Casa de Galicia. 50 anos da Casa de Rosalía’ na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta Casa grazas á colaboración de milleiros de persoas.

A mostra, que poderá visitarse no Anfiteatro do paseo fluvial do 4 ao 17 de maio, está comisariada por Pepe Barro, tamén autor da museoloxía da Casa-Museo. Foi inaugurada esta mañá coa presenza de Anxo Angueira, presidente da Fundación Rosalía; Ana Bello, concelleira de Cultura; e María Muíño, deputada da Deputación da Coruña, que financia esta itinerancia.

Esta exposición fai un repaso pola historia desta Casa-Museo que se abriu ao público o 15 de xullo de 1971, en pleno franquismo grazas á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos, como a Misa de Rosalía en Bonaval, que eran auténticos encontros de afirmación galeguista. Nin sequera o franquismo puido facerlle fronte á vontade popular de recuperar esta Casa.

Daquela participaron centos de persoas anónimas de Galicia a partir da proposta de José Manuel Rey de Viana, organizáronse colectas en moitas vilas e en case todos os centros galegos na emigración, uníronse máis de 70 concellos, varios bancos, equipos de fútbol e innumerables asociacións de todo o país.

Esta exposición, que despois viaxará ata Arteixo e logo continuará a súa itinerancia por cidades e vilas de todo o país, está patrocinada pola Xunta de Galicia e a Deputación da Coruña.

Ir al contenido