O Concello organiza un ano máis Arteixo Xogo Nadal, unha programación especial de Nadal dirixida á infancia e ás familias, que se desenvolverá do venres 26 ao martes 30 de decembro, en horario de 17:00 a 20:00 horas, na Praza do Balneario.
Durante estes días, o espazo converterase nun punto de encontro para o lecer familiar, con actividades gratuítas que inclúen xogos, obradoiros creativos, espectáculos infantís, photocal e animación diaria, ademais dunha recollida solidaria de xoguetes novos, na que cada achega permitirá participar nun sorteo final.
Cada xornada contará cun espectáculo ás 19:00 horas, ademais dunha programación específica. Podes consultar todos os detalles neste enlace.