O Departamento de Educación da a coñecer a resolución oficial das solicitudes presentadas para os diferentes campamentos e actividades de conciliación estival programados para este ano, ao mesmo tempo que establece as instrucións e os períodos necesarios para formalizar os abonos económicos correspondentes.
No que respecta ao Campamento Concilia, admitñironse todas as solicitudes vinculadas a unidades familiares empadroadas no termo municipal. Solo quedaron excluídas aquelas pertencentes a familias non residentes.
Pola súa banda, o programa denominado Laboratorio Musical rexistrou pleno de aprobados ao ser admitidas a totalidade das inscricións formalizadas polos usuarios.
No lado oposto sitúanse as convocatorias do Campamento de Adolescentes e o Campamento de Diversidade Funcional, que non se levarán a cabo durante este período estival debido a que ningunha das dúas modalidades logrou alcanzar o número mínimo de alumnos esixido pola organización para o seu correcto desenvolvemento.
As familias que obtivesen praza manterán activados os servizos e as quendas que demandaron no documento de preinscrición. No caso de que se desexe tramitar a baixa de algunha destas prestacións complementarias, os interesados deberán comunicalo obrigatoriamente no mesmo momento no que soliciten o recibo de pago, xa que a normativa impide engadir novas opcións ou quendas que non figurasen na solicitude orixinal.
As persoas admitidas poden descarregar este documento para coñecer os prazos e instruccións para o pagamento das taxas correspondentes.