O pasado 8 de maio celebrouse a cerimonia de entrega de premios ás 19:30 no Centro Cívico Cultural de Arteixo Manuel Murguía
Na entrega de Premios do 35º “Certame de narracións breves Manuel Murguía”, Alfredo Ferreiro, director literario do Certame, leu a acta do xurado en que figuraban os seguintes relatos premiados:
1. A comedia intelectual, presentada baixo o lema “Olivia Ferrant” e con autoría de Iván García Campos; 2. Frederick, presentada baixo o lema “Tacuabé” e con autoría de Brais Lamela Gómez. 3. Ópera prima de evolución tórpida, presentada baixo o lema “Azulexa” e con autoría de Lucía Aldao Sánchez.
Os premios, que se coñeceron durante a cerimonia, contaron coa seguinte dotación: 4.000€ e a edición da obra para o primeiro, 2000€ e a edición da obra para o segundo e 1000€ e a edición da obra para o terceiro.
No acto de entrega contouse coa presenza do xurado quen, na voz de Estíbaliz Espinosa, fixo unha valoración sobre as obras premiadas así como sobre a edición do Certame.
O xurado nesta ocasión foi composto por Estíbaliz Espinosa, proposta pola Asociación de Escritoras e Escritores en Lingua Galega, Héctor Cajaraville, vencedor da edición precedente do certame, Tensi Gesteira, proposta pola Asociación Galega da Crítica e por Alfredo Ferreiro, este último representando a organización con voz e sen voto.
Participaron na entrega dos premios Estíbaliz Espinosa, como representante do xurado, a Concelleira de Cultura, María Dubra e o alcalde de Arteixo, quen pechou o acto.
A gala de entrega de premios contou coa compañía de danza iXa, que coa súa obra Ollos cara adentro. Tamén no mesmo acto Alfredo Ferreiro leu un texto propio en homenaxe á homenaxeada no Día das Letras Galegas de 2026, Begoña Caamaño.
Rematado o acto e feitas as fotos oficiais, ofreceuse un viño de honra como fin de festa.
Contactos:
Servizo Municipal de Cultura: 981 65 91 00, cultura@arteixo.org
Alfredo Ferreiro: 609 653 176, director literario do Certame