O Departamento de Educación pon en marcha unha nova edición dos campamentos de Semana Santa destinados a facilitar a conciliación das familias do municipio durante o período non lectivo. As actividades desenvolveranse os días 30 e 31 de marzo, e o 1 e 6 de abril de 2026.
A oferta deste ano divídese en dous programas diferenciados por localización e contido:
Campamento Concilia «Aventuras na natureza»: Terá lugar no Centro Social de Vilarrodís e está dirixido a alumnado de 4º de Infantil a 6º de Primaria. Centrarase na sustentabilidade e o respecto ambiental a través de obradoiros científicos e xogos cooperativos.
Laboratorio Musical «O pobo durmido»: Situado no Centro Cívico Cultural Manuel Murguía, acollerá a nenos e nenas de 4 a 12 anos. Esta proposta explora a expresión artística e as novas tecnoloxías aplicadas á música.
O prazo de preinscrición permanecerá aberto do 9 ao 13 de marzo. As persoas interesadas deberán enviar este formulario de inscrición ao correo electrónico educacion@arteixo.org. Unha vez confirmada a praza, a matrícula formalizarase do 16 ao 18 de marzo.
O custo base de ambos campamentos é de 16 €. No caso do Campamento Concilia, ofrécense servizos adicionais de madrugadores (dende as 07:15h), comedor e ludoteca para ampliar o horario ata as 17:30 h.
O servizo de transporte será gratuíto para todos os participantes.
Pode escarregar nos enlaces seguintes toda a documentación precisa.