O Departamento de Educación, Igualdade, Sanidade e Servizos Sociais, publicou as normas xerais e os prazos para os campamentos de verán 2026.
Esta programación está deseñada prioritariamente para salvaguardar a conciliación da vida laboral e familiar da veciñanza durante o período non lectivo.
O prazo para presentar as solicitudes de preinscrición permanecerá aberto dende o11 de maio ata o día 18 do mesmo mes.
A oferta inclúe o «Campamento Concilia» (para segundo ciclo de Educación Infantil e Primaria), o «Campamento para Adolescentes», un programa específico para persoas con «Diversidade Funcional» e o proxecto creativo «Laboratorio Musical».
Campamento Concilia: Un verán de cine
Campamento adolescentes e persoas con diversidade funcional
Como novidade, os campamentos estructúranse en diversas quendas que abranguen dende finais de xuño ata o mes de setembro. Todas as modalidades ofrecen opcións flexibles para as familias, incluíndo servizos de madrugadores con almorzo e servizo de xantar, facilitando así a adaptación aos horarios laborais dos proxenitores.
As listaxes provisionais de admitidos faranse públicas o 21 de maio, abrindo o período de pagamento para as primeiras quendas entre o 25 e o 29 de maio. Para obter máis información sobre tarifas e requisitos, os interesados poden dirixirse ás oficinas do Departamento de Educación na Avenida dos Bosques ou consultar a documentación oficial na sede electrónica municipal.