O programa de benestar en balnearios abre a súa convocatoria para estadías de dez días e nove noites en réxime de pensión completa en quince establecementos termais de Galicia, con quendas entre xullo e decembro de 2026. A iniciativa inclúe os tratamentos termais prescritos por persoal médico e actividades de animación sociocultural.
A actividade está dirixida a persoas maiores de 60 anos residentes en Galicia e a pensionistas maiores de 55 anos. Os beneficiarios poden asistir cun acompañante e con fillos que teñan un grao de discapacidade igual ou superior ao 33 por cento. Os participantes deben valerse por si mesmos para as actividades básicas da vida diaria.
O prazo de inscrición permanece aberto ata o 26 de xuño de 2026. Pódese tramitar a solicitude presencialmente no centro de maiores A Baiuca, con cita previa, no teléfono .981 659 095.. As tarifas contan con subvención pública e varían entre os 31 e os 44 euros por noite. Unha vez confirmada a praza, a reserva efectúase mediante un depósito de 30 euros directamente co balneario elixido.