Arteixo está a piques de acadar a cifra de mil domicilios inscritos nos dous programas de mellora da fracción orgánica, que permiten aos veciños lograr unha rebaxa do 15% no recibo do lixo.
No núcleo urbano, preto de 800 solicitantes contan xa coa tarxeta electrónica que lles permite depositar os restos orgánicos nos contedores correspondentes. Ademais, case 200 domicilios solicitaron un composteiro gratuíto para tratar os residuos orgánicos de súa propiedade.
O concello instalará dispositivos de lectura electrónica nos contedores do resto de núcleos durante o primeiro semestre de 2026, facilitando así que máis veciños poidan sumarse ao programa.
Os veciños interesados en participar deben presentar unha solicitude (declaración responsable) co DNI do titular, dispoñible na web www.arteixo.org, por correo electrónico en bonificacionrsu@arteixo.org ou presencialmente na Casa Consistorial.
Arteixo municipalizou a recollida de residuos en 2018, sendo o primeiro concello galego en instalar novas illas de contedores adaptadas á normativa da UE, reforzando o reciclaxe das cinco fraccións principais: restos orgánicos, vidro, papel-cartón, envases lixeiros e a fracción resto.
