A concellería de servizos sociais e maiores, pon en marcha dunha nova edición dos Obradoiros das Flores para este ano 2026. Esta actividade, que conta cunha gran demanda entre a veciñanza, ten como obxectivo fomentar a creatividade e ofrecer un espazo de convivencia a través da arte floral.
As persoas interesadas en participar poderán tramitar a súa solicitude dende mañá, día 4 de marzo, ata o vindeiro día 12 de marzo. A inscrición pode realizarse de xeito presencial nas instalacións do Centro de Maiores A Baiuca (Travesía de Arteixo, 247) ou ben a través do correo electrónico enviando o este formulario cuberto á dirección baiuca@arteixo.org.
Os obradoiros impartiranse en diferentes puntos do municipio para facilitar o acceso de toda a cidadanía:
-
Centro de Maiores A Baiuca: luns de 10:00 a 12:00 horas.
-
Centro de Maiores de Pastoriza: martes de 10:00 a 12:00 horas.
-
Centro Social Cultural de Meicende: mércores de 10:00 a 12:00 horas.
-
Centro Social de Froxel: xoves de 10:00 a 12:00 horas.
As clases darán comezo oficialmente a partir do luns 16 de marzo. Cómpre lembrar que a actividade é totalmente gratuíta, aínda que as prazas son limitadas e outorgaranse por orde de recepción das solicitudes. Para máis información, as persoas interesadas poden contactar co servizo telefónico de atención no número 981 659 095.