O Concello celebra este xoves 5 de decembro o inicio oficial da programación de Nadal cun acto de acendido da iluminación que terá lugar ás 19:00 horas na Praza do Balneario, precedido pola chegada de Papá Noel ao Paseo Fluvial ás 18:30 horas. No evento participarán o Club Salvamento Arteixo e o Club Natación Arteixo, homenaxeados este ano polo Concello.
Tamén este día abrirá ao público o Mercado de Nadal, situado no Paseo Fluvial da Igrexa, que funcionará ata o 5 de xaneiro. O horario será de 17:00 a 21:00 horas de luns a venres, e de 11:30 a 14:30 e 17:00 a 21:00 horas durante as fins de semana. Os días 24 e 31 de decembro e 5 de xaneiro abrirá unicamente en horario de mañá.
A programación inclúe ademais actividades destacadas como o Festival de Panxoliñas do 19 de decembro, a Feira do Galo o día 20, a visita dos Reis Magos aos centros sociais entre o 2 e o 5 de xaneiro, e a Gran Cabalgata, que percorrerá as rúas o 5 de xaneiro a partir das 18:00 horas.
Pódese consultar e descarregar a programación completa neste enlace