A programación cultural de verán deixa este venres 18 de xullo un novo espectáculo dirixido ao público familiar na Capela do Balneario. A partir das 18:30 h, a compañía Títeres Babaluva representará A filla do cacharulo, unha proposta que combina teatro de marionetas, música en directo e contos mariños dirixidos a nenos e nenas a partir dos 3 anos.
O espectáculo inclúe tres historias ambientadas no mundo mariño —O peixe luminoso, A raposa e o cangrexo e Quen todo quere todo perde— e incorpora cancións populares galegas como O Rodaballo, pezas clásicas como A troita de Schubert ou temas de jazz como I got Rhythm.
As invitacións son gratuítas e poden conseguirse a través da web eventosarteixo.com ou no propio espazo de exhibición unha hora antes do inicio, ata completar aforo. A duración do espectáculo é de 50 minutos, e conta coa dirección de Mirari Urruzola e música en directo a cargo de Merran Laginestra.