Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O servizo de madrugadores chegará o próximo curso ás escolas unitarias e os centros infantiles de Vilarrodís e Barrionovo

/ O servizo de madrugadores chegará o próximo curso ás escolas unitarias e os centros infantiles de Vilarrodís e Barrionovo

A concellaría de Educación pon en funcionamento para o novo curso un servizo de conciliación para as mañás en todos os centros educativos de Arteixo que ata o de agora non contaban con este servizo.

O servizo de “MAÑANCEIROS” consiste nunha atención para aquel alumnado que necesita estar no centro antes do horario lectivo e así poder facilitar ás familias a conciliación tamén nos horarios previos á xornada escolar.

Como se pode acceder ao servizo? Mediante inscrición en modelo normalizado. As prazas adxudícanse por rigurosa orde de inscrición (terase en conta a hora e data de entrada a través de correo electrónico ou de entrega no departamento de Educación). Unha vez cubertas as prazas dispoñibles, as solicitudes incluiranse en listaxe de agarda.

Como se pode formalizar inscrición? Entregando o modelo no Departamento de  Educación, en horario de atención ao público (de luns a venres de 9:00 a 14:00 horas) ou enviándoo ao correo electrónico (educacion@arteixo.org).

Condicións xerais do servizo:

  • Será necesario que exista un número mínimo de persoas inscritas para a posta en marcha do servizo (5 persoas).
  • O servizo prestarase nos días lectivos estipulados no calendario escolar para o curso 2022/2023 pola Consellería de Educación.
  • O servizo atenderá ao alumnado a partir das 7 horas (de forma xeral o horario de inicio adaptarase ás necesidades) e prestarase ata a hora de entrada que se marque como horario lectivo polo centro.
  • É de obrigado cumprimento protocolo COVID vixente no centro.

Prazo de inscrición: do 16 ao 31 de agosto e ata completar capacidade.

Outra medida de conciliación, pola que o Concello aposta con forza, así o indica Inés Ramos, Concejala responsable da concellaría de Educación é a ampliación da oferta das actividades extraescolares que chegarán, de luns a venres, ás escolas de Larín, Lagoa, Vilarrodís e Barrionovo.

A partir do curso 2022-2023, estes centros contarán con actividades extraescolares de luns a venres de 16:00 a 18:00 horas como no resto de centros educativos. O que queremos e apoiar e  favorecer a conciliación as nosas familias de Arteixo e ofrecer variedade de actividades os nosos nenos e nenas. Ata agora, o alumnado destes centros, contaba cunha actividade no propio centro educativo un día a semana, e podía acudir ás restantes actividades extraescolares do centro ao que estaban adscritos. Como novidade, a partir do 8 de setembro, estes escolares, contarán cunha ampla oferta de actividades no seu propio centro educativo, sin que teñan necesidade de desprazarse aos centros dos que dependen.

Coa nova oferta, o alumnado poderá practicar no seu centro educativo actividades coma xogos psicomotrices, idioma, baile galego, pandeireta, xogando, música, taller de arte, baile moderno e taller de ciencia-investigamos.

 

 

Ir al contenido