O pazo dos deportes acolle este venres 11 de agosto o sorteo de prazas para as actividades extraescolares, que será ás 11.00h.
Neste documento aparece a relación provisional das persoas interesadas que participarán no sorteo, para o que se publicará un listado definitvo o 10 de agosto.
A exposición pública da listaxe de persoas admitidas será a partir do 14 de agosto na páxina web municipal.
As persoas admitidas terán un prazo (16 ao 25 de agosto) para formalizar a matrícula, e deberán entregar o xustificante de pagamento no Servizo Municipal de Deportes ou Educación. No caso contrario procederase á anulación da praza.
O recibo de pagamento poderase solicitar de xeito presencial en horario de atención ao público ( de luns a venres de 9.00h a 14.00h) nas oficinas do Servizo Municipal de Deportes ou Educación, ou a través das direccións de correo electrónico deportes@arteixo.org e educacion@arteixo.org. O xustificante de pago deberase entregar do mesmo xeito.
De quedaren prazas libres seguirán facéndose inscricións directas a partir do día 1 de setembro.
O pago do prezo público pódese efectuar nas entidades bancarias habituais ou a través do TPV virtual na páxina web municipal