Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

 

Inicio > Servizos > Turismo > Sente > Feira histórica

/ Feira histórica

Feira histórica de Arteixo

Todos os anos, na terceira fin de semana de outubro, Arteixo ofrece a posibilidade de viaxar á época do 1900. Cada edición dedícase a unha temática diferente: o mar, o amor, a emigración… tal como se vivía na época comprendida entre os anos 1900 a 1950.As persoas que acuden á feira, se é vestida de época moito mellor, poden visitar exposicións fotográficas e de obxectos antigos, gozaren vendo a carreira de carrilanas , bailar coa música de orquestras e grupos, participar en xogos populares da época, cear na gran cea baile 1900 do sábado pola noite, entre outras moitas actividades relacionadas segundo a temática de cada ano.

Feira Histórica

O Concello de Arteixo invita a todos os asistentes a vestiren coa roupa típica do ano 1900. Evidentemente, o devandito requisito non é obrigatorio.

Feira Histórica Ilustrada

Homes: a pesar da grave recesión económica da época, a xente coidaba en extremo o seu aspecto e as súas formas. Podemos ver en fotos desa época que o home acostumaba vestir con traxe máis ou menos raído, gravata e boina, mesmo nos seus labores cotiáns. E por suposto, nun día de festa como este non podía faltar o «chapeo».

Mulleres: A roupa marcáballes moito a cintura e o busto para ensancharse logo na cadeira, pero ían tapadas ata o colo, os nocellos e os pulsos. O pelo sempre recollido en moños de rosca altos ou con atavíos rústicos cubertos por un pano da cabeza.

Pode ser moi útil como orientación consultar algunha fotografía da época ( aínda que naquela altura a fotografía só estaba ao alcance dos máis podentes, e non se verán seguramente vestimentas de xente que se dedicaba a vender nun posto de feira), anuarios, hemeroteca, etc…ou lembrar o aspecto de certas persoas ilustres do momento, como Manuel Murguía, Rosalía de Castro, Valle Inclán, Unamuno… A roupa que hoxe en día viste a xente maior das zonas rurais pode ser bastante apropiada, xa que nese ámbito a «moda» non evolucionou demasiado.

 

 

Feira Histórica Ilustrada Arteixo
Feira Histórica Concello

Inicios

Hai doce anos, no ano 2000, xurdiu a idea de crear unha feira histórica dentro dos actos homenaxe ao escritor Manuel Murguía, aproveitando que a Xunta de Galicia dedicaba ese ano ao escritor.

A finalidade da Concellaría de Cultura foi organizar un «acto cultural popular» de gran calado entre a veciñanzae con proxección fóra do Concello de Arteixo nunha época do ano con poucas festas ou actos en xeral.

Posteriormente fóronselle engadindo novos obxectivos como promover o coñecemento do patrimonio cultural galego (lingua, usos, costumes, oficios, vestimenta…); poñer en valor a nosa cultura entre a xente nova e promover economicamente a feira e o comercio local.

Cartel primer ano
Ir al contenido