Porto de Sorrizo en Arteixo
![Porto de Sorrizo Porto de Sorrizo](https://arteixo.org/wp-content/uploads/2020/09/Porto-de-Sorrizo.jpg)
Na parroquia arteixá de San Pedro de Sorrizo sitúanse varios portos naturais coma o Porto da Bendición, o Porto dos Cabalos o Porto de Seixelo e o máis grande de todos é o Porto de Sorrizo. Un recanto natural, onde se pode observar unha praia fósil e nas súas tranquilas augas pódese tomar o baño sen risco. É frecuentado polos afeccionados á pesca, tanto con lanchas, pesca submariña ou con caña. Trátase dun recanto onde a tranquilidade é a raíña.