Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

 

Inicio > Servizos > Turismo > Ocio > Autocross Arteixo

/ Autocross Arteixo

Circuito de autocross en Arteixo

circuito

O Club autocrós Arteixo é quizáis a organización que máis xente atrae a Arteixo. Cando se celebra unha carreira do campionato no circuíto José Ramón Losada congréganse miles de persoas. Ante esa grande afluencia de público e participantes, o circuíto conta cunhas infraestruturas adaptadas a iso. Instalacións sanitarias para homes e mulleres, zonas habilitadas para persoas de mobilidade reducida, localizacións específicas para a prensa etc. Consta dunhas 5.500 localidades de asento. Oitenta persoas colaboran coa organización de cada proba do campionato galego. No campionato nacional esa cifra ascende a unhas 150 persoas. A seguridade está presente en todo o circuíto e un equipo médico encabezado polos doutores Baldomero Borrajo e Alicia Freire velan pola saúde dos pilotos.

A historia do autocrós en Arteixo empeza no ano 1982. O circuíto estaba no que actualmente agora é o Polígono Industrial de Sabón e a súa corda era de pouco máis de 800 metros.

A finais da década dos oitenta a acción trasladábase a un novo circuíto, situado en Santa Icía de Morás e no que comezarían pronto a competir moitos dos mellores pilotos de España e Portugal.
No ano 2000 inaugurábase oficialmente o novo circuíto de Morás, no que se está a competir até a actualidade; cada ano incorporou numerosas melloras. Xunto co inigualable ambiente que se vive en cada proba, converteuse por dereito propio no máis popular de cantos forman o Campionato de España de Autocrós.

Coche de carreiras
Torre do circuíto

Este circuíto recibe desde o ano 2006 o nome de » José Ramón Losada», na honra da persoa que foi o seu emblemático presidente durante máis de dúas décadas.

Autocross historia
Ir al contenido