Desde as Concellarías de Deportes e Educación comunicamos que o procedemento de inscrición no Programa de Actividades Extraescolares para o vindeiro curso 2023/2024 será o seguinte:
- RENOVACIÓN PRAZA. Aquelas persoas que xa estiveron inscritas no Programa de Actividades Extraescolares no curso 2023/2024, poderán renovar a praza no correspondente grupo.
- Prazo: Do 19 ao 30 de xuño, entregando o xustificante de pago antes das 14.00 h do 30 de xuño.
- ¿Cómo?:
- Nas oficinas do Servizo Municipal de Educación ou Deportes, en horario de atención ao público (de luns a venres de 9.00 a 14.00 horas)
- Solicitándoo a través do correos electrónico educacion@arteixo.org ou deportes@arteixo.org, indicando nome, apelidos, dni e grupo no que se atopa inscrito e solicita a renovación.
- NOVAS INSCRICIÓNS
- Publicación prazas vacantes: 10 de xullo na páxina web municipal.
- Prazo de preinscrición: do 17 ao 31 de xullo
- O impreso de preinscrición poderase recoller nas oficinas do Servizo Municipal de Deportes ou Educación; ou descargalo na páxina web municipal arteixo.org. Deberase entregar nas oficinas do Servizo Municipal de Deportes ou Educación, en horario de atención ao público (de luns a venres de 9:00 a 14:00 horas). Do mesmo xeito poderase enviar á dirección deportes@arteixo.org e educacion@arteixo.org.
- No caso que o número de solicitudes supere ao das prazas ofertadas, terá lugar un sorteo público procedéndose á asignación de prazas a partir da primeira letra do primeiro apelido, tendo preferencia as persoas empadroadas no Concello de Arteixo.
- Exposición de persoas preinscritas: A partir do 4 de agosto na páxina web municipal.
- Prazo subsanación erros: 7 – 9 de agosto na páxina web municipal.
- Publicación listaxe definitiva de persoas preinscritas: 10 de agosto na páxina web municipal.
- Sorteo público: 11 de agosto ás 11:00 h no Pazo dos Deportes de Arteixo
- Exposición da listaxe de persoas admitidas: A partir do 14 de agosto na páxina web municipal
- Prazo de matrícula: As persoas admitidas terán un prazo (16 ao 25 de agosto) para formalizar a matrícula de cada actividade, debendo entregar o xustificante de pagamento, exclusivamente no Servizo Municipal de Deportes ou Educación. No caso contrario, procederase á anulación da praza.
- De quedaren prazas libres, seguirán facéndose inscricións a partir do un de setembro.
- Lembramos que o calendario de actividades rexerase co establecido pola Consellería de Educación, coas vacacións de Nadal, Entroido e Semana Santa.
- Pódese efectuar o pago do prezo público nas entidades bancarias habituais ou a través do TPV virtual na páxina web municipal.
OUTRAS CONSIDERACIÓNS
- Comezo das actividades: Primeiro día lectivo do curso para o alumnado que teña formalizada a inscrición.
- Inscricións
- Actividades deportivas: Servizo Municipal de Deportes (Complexo Deportivo Municipal de Arteixo) de luns a venres de 09.00 a 14.00 h. Teléfono: 981659131 e 981659132
- Actividades educativas: Departamento de Relacións coa Comunidade Educativa (Av dos Bosques 16),de luns a venres de 09.00 a 14.00 h. Teléfono: 981659121 e 981659122.
- Número de prazas limitadas. Precísase un número mínimo de 5 participantes para levar a cabo a actividade
- Servizos complementarios. Ocioteca: dirixida só para o alumnado que empregue regularmente o servizo de comedor ou transporte escolar e asista a algunha actividade extraescolar o día no que solicita a inscrición na ocioteca. É obrigatorio facer unha inscrición previa.
- Prezo Público e forma de pago: determinado pola ordenanza fiscal número 34 ou normativa que a substitúa. O prezo público pode ser obxecto de redución segundo as circunstancias socioeconómicas da unidade familiar.
- Formas de pago:
- Abonar o importe total nun só pago: xunto coa inscrición.
- Abonar en dous prazos (cando o prezo a aboar por alumno sexa superior a 50 €)
- Xunto coa inscrición: 50 %
- 1-20 febreiro: 50%
- A baixa na actividade ao longo do curso non exime do pago do segundo prazo.
Importante: en aplicación das normativas dos centros, queda terminantemente prohibida a permanencia no recinto escolar das persoas acompañantes do alumnado que asiste á actividade.
Circular CEIP Arteixo 2023-2024
Circular CEIP Ponte dos Brozos 2023-2024
Circular CEIP San Xosé Obreiro 2023-2024
Circular EEI Barrionovo 2023-2024
Circular EEI Vilarrodís 2023-2024
