O Servizo Municipal de Deportes oferta novos grupos de Escolas Deportivas Municipais no novo Local Social de Oseiro.
Trátase de pilates, os luns e mércores de 19.15 a 20.15 h; e ximnasia de mantemento os martes e xoves no mesmo horario. En ambos casos son actividades para maiores de idade.
O prazo de matrícula xa está aberto e as prazas dispoñibles asignaranse por orde de inscrición, con preferencia para as persoas empadroadas en Arteixo.
A formalización da matrícula poderá realizarse exclusivamente no Servizo Municipal de Deportes de xeito presencial en horario de atención ao público (de luns a venres de 9:00 a 14:00 horas) con cita previa; ou a través da dirección de correo electrónico deportes@arteixo.org. O xustificante de pago deberase entregar do mesmo xeito
Pódese efectuar o pago do prezo público nas entidades bancarias habituais ou a través do TPV virtual na páxina web municipal (https://arteixo.org/servizos/pagos-online).
