Información municipal actualizada sobre as medidas respecto á COVID-19 aplicadas á cidade e á Administración

 

Search
Filtro xeral
Só coincidencias exactas
Buscar no título
Buscar no contido
Buscar no extracto

A V edición de Arteixo Innovación reúne a administracións, comunidade educativa e sector empresarial baixo un obxectivo común

Inicio > A V edición de Arteixo Innovación reúne a administracións, comunidade educativa e sector empresarial baixo un obxectivo común

O concello de Arteixo organiza o V encontro de experiencias «Arteixo Innovación: Educatic» que terá lugar os días 4, 5, 6 e 9 de maio nas instalacións do Centro Arteixo Innovación no polígono de Sabón.

O obxectivo  é o progreso educativo estimulando a innovación e a creatividade nos centros, todo iso mediante a promoción de proxectos TIC e a colaboración entre os diferentes actores locais. Para iso preténdese reunir á Administración Pública, aos centros educativos, profesionais, familias e este ano como novidade ao sector empresarial e dar impulso a estas dinámicas tan necesarias para o día de hoxe, pero aínda máis se cabe para o de mañá. A colaboración e o intercambio de experiencia entre as partes interesadas da sociedade civil e o sector socioeconómico permitirá ofrecer novos espazos para o desenvolvemento de proxectos innovadores e implementar novas estratexias educativas.

O proxecto Arteixo Innovación é un proxecto da concellaría de Educación de Arteixo que engloba distintas actuacións relacionadas co uso das TIC (tecnoloxías da información e a comunicación) no eido educativo como garantes de acceso universal á educación, a igualdade na instrución, o ensino e a aprendizaxe de calidade, a formación de docentes e á xestión e dirección máis eficientes nas contornas educativas.

Estas xornadas consisten nun intercambio de experiencias nun entorno TIC, partindo do ámbito educativo para o seu enlace co ámbito do emprendemento e a actividade empresarial e profesional. O ecosistema que sirve de nexo é a innovación aplicada a un “entorno maker” .

Partindo desta filosofía, presentaranse distintos proxectos desenvolvidos nos centros educativos do termo municipal nos niveis de Educación Infantil, Primaria, Secundaria, Bacharelato e Formación Profesional para dar a coñecer o seu traballo e compartir aprendizaxes e, asemade, fomentar as vocacións » STEAM», a innovación e a co-creación.

O obxectivo destas xornadas é o progreso educativo estimulando a innovación e a creatividade nos centros, todo iso mediante a promoción de proxectos TIC e a colaboración entre os diferentes actores locais. Para iso preténdese reunir á Administración Pública, aos centros educativos, profesionais, familias e este ano como novidade ao sector empresarial e dar impulso a estas dinámicas tan necesarias para o día de hoxe, pero aínda máis se cabe para o de mañá. A colaboración e o intercambio de experiencia entre as partes interesadas da sociedade civil e o sector socioeconómico permitirá ofrecer novos espazos para o desenvolvemento de proxectos innovadores e implementar novas estratexias educativas.

Co gallo de ofrecer unha visión diversa do que significa a innovación, estes encontros contan con relatores de recoñecido prestixio que compartirán as súas experiencias no ámbito educativo, na Administración Pública e no ámbito empresarial. Neste último caso, a forma na que se aplica a filosofía «maker» e a innovación na mellora continua e o traballo colaborativo, aproveitando para facer unha aproximación ás necesidades do eido profesional e os espazos de contacto ca sociedade, especialmente no tocante ó emprendemento e a dinamización do ecosistema innovador.

Para poder asistir, deberán achegar o impreso correspondente de inscrición(Inscrición adultos ou Inscrición menores conciliación)                                        mediante mail a educacion@arteixo.org

As prazas son limitadas ata completar aforo.

Os días 4, 5 e 6 de maio haberá Servizo de conciliación para os asistentes mediante actividades para nenos e nenas con previa inscrición.

Ir al contenido