O Concello retoma o próximo domingo 29 de xuño a tradicional cita do Día do Deporte na Rúa que alcanza así a súa vixésima segunda edición.
Será entre as 11 e as 14h no entorno do paseo fluvial que se converte nesta xornada nun multitudinario espazo deportivo onde pódese practicar case calquera tipo de actividade deportiva, desde baloncesto ata xadrez, fútbol, tenis, judo, tiro con arco ou esgrima entre outros.
Este ano organízanse máis de 30 modalidades deportivas, dirixidas a todas as idades. Para facer posible este evento participan máis de 100 monitores das diferentes entidades deportivas colaboradoras. Pode acceder ao programa completo neste enlace
Tamén haberá exhibicións das Escolas Deportivas Municipais e diferentes clubs deportivos; e ao finalizar o evento en torno ás 14.00 h haberá sorteos de agasallos cedidos polas empresas patrocinadoras.
O obxectivo desta xornada, que reúne en cada edición a preto de 3000 personas, é compartir unha xornada festiva, dar a coñecer a práctica deportiva continuada; e o acceso á práctica deportiva para cidadáns de todas as idades e mostrar a variedade deportiva como elemento demostrativo e motivador para a creación de hábitos deportivos saudables.
