O concello de Arteixo acaba de conseguir a cesión de dúas parcelas na rúa Sinforiano López e na travesía de Arteixo, que suman un total de 4.100 m² e
que se destinarán a aparcamentos públicos.
A rúa Sinforiano López é unha vía de unión entre a avenida de Finisterre e a travesía de Arteixo, polo que o aparcamento público que se situará nesta rúa pode aliviar a necesidade de aparcamento das dúas grandes vías de entrada ao núcleo de Arteixo.
O mesmo pódese dicir do segundo aparcamento, situado moi preto do primeiro na travesía de Arteixo 152. O concello calcula que se poderán crear
ao redor de 150 prazas pública para vehículos cando se acaben de adecuar estas leiras para que se convertan en senllos aparcamentos públicos.
Estas novas áreas de aparcamento servirán tamén para facilitar o acceso aos comercios e a hostalería que existe na zona, e mesmo para o acceso a industrias do polígono de Sabón, que limita nesa zona coa avenida de Finisterre.
Tamén poderán servir de aparcamentos disuasorios para acudir aos eventos musicais nas festas patronais que se celebran no Campo
dá Festa.
