O concello desarrrollará urbanisticamente as unidades de actuación 16.1 e 16.3 co obxecto de abrir unha nova rúa xa marcada no plan urbanístico e crear un novo aparcamento preto do concello.
A nova rúa conectará a avenida de Baldomero González e o Camiño dá Baiuca, e tamén se mellorará o Camiño dá Baiuca ao dotalo de beirarrúas e ampliar o seu ancho, actualmente moi reducido.
O orzamento destas actuacións achégase aos 400.000 euros, dos cales unha parte serán financiados pos os propietarios dos terreos como marca a lei.
A formación dunha plataforma de aparcamento na esquina superior dereita do ámbito crearase debido a que o concello se fará coa propiedade dunha parcela tal como marcan as normativas urbanísticas que contemplan a cesión á administración local de chan para equipamentos nestes casos.
O aparcamento quedará por encima da rasante polo que será necesario a construción dun muro de contención para salvar a diferenza de altura. Proxéctase para iso a construción dun muro de bloques de sillería ou de dique que posibilitarán a sustentación dunha plataforma superior case horizontal.
Por outra banda o novo vial que unirá a avenida de Baldomero González e o Camiño dá Baiuca terá un ancho de 16 metros, o que permitirá crear novas prazas de aparcamento a ambos os dous lados da rúa. Coa urbanización desta rúa conséguese dar saída ao tráfico de Camiño dá Baiuca e dotar de accesibilidade á contorna, ao mesmo tempo que completa e pecha o circuíto de varias infraestruturas necesarias.
