Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O alcalde e a secretaria de Estado de transportes abordan o futuro das infraestruturas do concello

PUBLICACIÓN

O alcalde e a secretaria de Estado de transportes abordan o futuro das infraestruturas do concello

14 Nov, 2022 | NOTICIAS

O alcalde de Arteixo Carlos Calvelo e Isabel Pardo de Vera, secretaria de Estado de Transportes, Mobilidade e Axenda Urbana mantiveron unha reunión para tratar o futuro das infraestruturas viarias que alberga o concello de Arteixo e as súas posibles melloras no futuro.

O tema central das charlas consistiu na futura construción dun enlace coa autovía do Porto Exterior á altura de Meicende, que posibilite que o intenso tráfico de mercadorías perigosas deixe de transitar polo núcleo urbano debido ao perigo que isto supón para a poboación.

A idea central dos estudos técnicos xa realizados no enlace de Meicende é desviar todo o tráfico pesado procedente de industrias como a refinería da AC-415, que atravesa o núcleo urbano de Meicende. Todo este tráfico tería así un enlace directo coa estrada do Porto Exterior.

O enlace tamén suporía a construción dunha estrada entre a zona da avenida Butano en Meicende e o punto de intersección da nova autovía coa estrada AC-415. Neste último punto colocaranse dous accesos á autovía, un de entrada e outro de saída. O novo enlace tamén mellorará as comunicacións na zona ao contar cunha vía de acceso a unha nova infraestrutura que ademais de dar servizo ao Porto Exterior, mellorará as comunicacións para os veciños de Arteixo. A idea xeral plantexada no seu día polo concello de Arteixo á Consellería de Transportes é que todas as infraestruturas que se constrúen en Arteixo para obras como o Porto Exterior redunden en certa medida no benestar da cidadanía. Neste sentido, os dous responsables políticos analizaron novas posibilidades de aproveitamento doutras infraestruturas viarias do municipio de Arteixo, e a necesidade de buscar vías para que estas infraestruturas redunden en beneficio dos veciños da zona.

PODE SER DO TEU INTERESE …

Hemeroteca

Consulta todas as nosas noticias da nosa web

Logotipos

Imaxe corporativa e o seu manual de uso

Ir al contenido