Este procedemento vai dirixido a todo o alumnado que entra por primeira vez no sistema educativo, así coma o alumnado de Educación Infantil, Primaria, ESO e Bacharelato que desexe cambiar de centro escolar.
CALENDARIO
Do 1 ao 21 de marzo: Presentación das solicitudes de admisión
Antes do 25 de abril: Publicación das listaxes provisionais de alumnado admitido e non admitido
Antes do 15 de maio: publicación das listaxes definitivas de alumnado admitido e non admitido
Do 20 ao 30 de xuño: Formalización da matrícula no centro en Educación Infantil e Primaria
INSTRUCCIÓNS
A solicitude de admisión de alumnado tramitase mediante a aplicación informática admisionalumnado (https://www.edu.xunta.gal/admisionalumnado). Os formularios poden cumprimentarse na aplicación ou ser descargados e cumprimentados de forma manual. Tamén se poden descargar na da Sede Electrónica da Xunta de Galicia (http://sede.xunta.gal), e na páxina web da Consellería de Cultura, Educación e Universidade (http://www.edu.xunta.gal/portal).
A solicitude será única e pódese presentar de forma presencial no centro educativo, que a rexistrará, ou de forma electrónica a través da aplicación admisionalumnado.
A solicitude de admisión de alumnado poderá asinala calquera das persoas titulares da patria potestade ou representantes legais.
No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída a un deles con carácter exclusivo, ou en situacións de violencia de xénero. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.
No suposto de alumnado afectado por violencia de xénero non será esixible o previsto no parágrafo anterior
Cada solicitude pode conter unha relación de ata seis centros, por orde de preferencia e presentarase no centro indicado en primeiro lugar.
DOCUMENTACIÓN
- Impreso de solicitude que pode recollerse no propio centro educativo ou acceder a el desde a aplicación https://www.edu.xunta.gal/admisionalumnado/ e cubrilo telematicamente, imprimir e presentar no propio centro educativo ou ben cubrilo telematicamente e asinalo na Sede Electrónica
- Copia do DNI da persoa solicitante e dos membros computables da unidade familiar, cando denegue a súa consulta
- Documento acreditativo do requisito de idade do/a alumno/a (libro de familia ou DNI)
- Documento acreditativo de estar en disposición de reunir os requisitos académicos esixidos en cada nivel educativo
- Convenio regulador ou resolución xudicial de separación xudicial ou divorcio, se é o caso
- Se solicitan unha praza para alumnado con NEAE (Necesidades Específicas de Apoio Educativo) achegarase a documentación que acredite as circunstancias que fundamentan esta petición
CENTROS ESCOLARES PÚBLICOS DE EDUCACIÓN INFANTIL E PRIMARIA DO TERMO MUNICIPAL DE ARTEIXO
Escolas de Educación Infantil
- EEI Barrionovo. Praza da escola, 1. 15140. Pastoriza. Tlf 696846412
- EEI Vilarrodís. Rúa Carlos Maside, 16. 15141. Vilarrodís.Tlf 616466312
- EEI Larín. Lg Casanova, 3. 15144. Larín. Tlf 981606212
- EEI Lagoa. Lg da Lagoa, 16. 15144. Sorrizo. Tlf 981646930
- EEI Rorís. Lg Rorís, 12. 15144. Armentón. Tlf 981640238
Centros de Educación Infantil e Primaria
- CEIP Arteixo. Avda. Arsenio Iglesias, 33 B. 15142. Arteixo. Tlf 981641284
- CEIP Ponte dos Brozos. Avda. Arsenio Iglesias, parcela 34. 15142. Arteixo. Tlf 881960506
- CEIP Galán. Rúa Miguel de Cervantes, 21. 15141. Oseiro. Tlf 881880903
- CEIP San Xosé Obreiro. Travesía de Meirás, s/n. 15008. Meicende. Tlf 881880214
Normativa aplicable:
- Orde do 12 de marzo de 2013 (DOG 15/03/2013) Corrección de erros (DOG 24/04/2013)
- Orde do 25 de xaneiro de 2017 (DOG 01/02/2017)
- Orde de 18 de decembro de 2020 pola que se modifica a Orde do 12 de marzo de 2013 (DOG 22/12/2020)
- Decreto 13/2022, de 3 de febreiro (DOG 11/02/2022)