A noite de San Xoán é a noite do lume. Para evitar problemas nesa data festiva o departamento de Seguridade Cidadá ven de publicar as normas de seguridade para o San Xoán
A solicitude para facer cacharelas poderá presentarse nas dependencias da Policía Local dende o 5 de xuño ata as 14:00 horas do 21 de xuño. Tamén a través do correo electrónico cacharelas@arteixo.org achegando o impreso cuberto e a documentación necesaria
A normativa prohibe de forma expresa a celebración de cacharelas na Praza do Balneario, Campo da Festa, zonas peatonais do Concello, e zonas axardinadas municipais. Tampouco poderán facerse lumes en merendeiros ou áreas recreativas.
O texto indica ademáis que a hora límite para rematar a celebración é as 03:30 horas da madrugada e lembra a obriga de limpa-lo espazo autorizado ao remate da actividade.
