Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Concello e veciños unen esforzos para recuperar sete quilómetros de senda en Sisalde

PUBLICACIÓN

Concello e veciños unen esforzos para recuperar sete quilómetros de senda en Sisalde

23 Ago, 2021 | NOTICIAS

O Concello, xunto cos membros das asociacións de veciños de Larín, Barrañán, Armentón, Monteagudo e a que agrupa ás parroquias de Chamín e Sorrizo, ven de acadar o permiso da maioría dos propietarios das 190 fincas que limitan co Rego da Ibia na súa unión co río Sisalde, para realizar traballos de desbroce e acondicionamento da senda de sete quilómetros que bordea esa zona e na que atópanse 38 antigos muíños. Concello e asociacións traballaron durante semanas con este obxectivo.

A maioría de propietarios xa asinaron a autorización necesaria para que nos cinco metros de ancho dende a marxe do río o concello poda abrir unha senda. A memoria realizada polo enxeñeiro agrónomo José Manuel Pérez, indica que o trazado desta senda discorrerá  “nos arredores do curso do río, discurrindo polas parroquias de Barrañán, Chamín, Armentón, Monteagudo e Larín.No entorno do cauce localizáronse , a día de hoxe, 38 muiños con enorme relevancia para a historia de Arteixo e que actualmente non están aproveitados debido ao seu estado, xa que atópanse na súa maioría cubertos de maleza sendo case inaccesibles para o seu uso como disfrute turístico».  A mesma memoria indica  que o “cauce a desbrozar conta cunha lonxitude aproximada de 7 km, empezando desde a Fervenza da Groba e terminando na carretera DP-0514”.

As actuacións que se levarán a cabo seran básicamente de desbroce manual, sen emprego de medios mecánicos pesados; e corte e retirada de árbores caídas sobre o río e a zona de servidume, así como de pólas con risco de caída ou que dificulten o paso da auga. Tamén inclúese o desbroce de vexetación do entorno e o interior dos muiños.

Tras a apertura da senda e á vista da situación concreta do entorno, o concello  volverá a valorar as necesidades de acondicionamento para continuar traballando na súa mellora.

 

PODE SER DO TEU INTERESE …

Hemeroteca

Consulta todas as nosas noticias da nosa web

Logotipos

Imaxe corporativa e o seu manual de uso

Ir al contenido