Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Comezan as obras para a humanización do Paseo do Balneario

PUBLICACIÓN

Comezan as obras para a humanización do Paseo do Balneario

12 Sep, 2022 | NOTICIAS

O Concello iniciou hoxe a obra de humanización do Paseo do Balneario. Trátase de mellorar a accesibilidade da rúa coa instalación dunha plataforma única co obxectivo de mellorar a conectividade peonil entre o paseo fluvial e o seu paso polo centro de Arteixo e a Praza do Balneario.

A inversión é de 550.000 euros e enmárcase dentro das propostas do plan de accesibilidade aprobado polo concello.

O tráfico, por mor destes traballos, estará cortado polo que aconséllase aos conductores optar por itinerarios alternativos. Os propietarios e usuarios de garaxes teñens habilitados pasos alternativos a través da parte do Paseo del Balneario que está aberto e a través de rúas adxacentes.

O Concello tamén iniciará próximamente as obras dun tramo de vía adxacente ao paseo do Balneario na que conflúen ata sete rúas: rúa Xeneral Mosquera Palleiro, praza Maestro Cándido, paseo do Balneario, paseo fluvial  e rúa Alcalde Baldomero González.

Trátase de convertilas en plataforma única para situar ao mesmo nivel as actividades urbanas de tránsito peonil e de vehículos. Esta solución constructiva elimina os bordillos que delimitan a diferencia de cota entre a beirarrúa e a calzada que sitúanse ao mesmo nivel. Ao se tratar dunha zona de convivencia entre vehículos e peóns, procederase á delimitación de espazos, coa diferenciación de pavimentos tanto en texturas como en cor e o uso de elementos de mobiliario urbán como bancos, xardiñeiras ou aparcabicis, para diferenciar os distintos espazos de actuación. 

O novo proxecto nace do recentemente aprobado Plan de Accesibilidade de Arteixo que  pretende, entre outras cousas, detectar as zonas de maior urxencia de actuación en zonas de accesibilidade. O plan detalla actuacións que suman un presuposto de 5,8 millóns de euros ata 2024 e inclúe fichas detalladas de diversas zonas do concello sobre as que se actuará. O obxectivo da accesibilidade universal é a eliminación das barreiras que impiden o acceso de todas as persoas ao seu entorno físico e ás redes de servizos e dotacións. O plan de accesibilidade dimensiona económicamente e temporalmente as actuacións que fan posible a eliminación destas barreiras.

 

 

PODE SER DO TEU INTERESE …

Hemeroteca

Consulta todas as nosas noticias da nosa web

Logotipos

Imaxe corporativa e o seu manual de uso

Ir al contenido