As obras que se levan a cabo na Avenida da Deputación obrigarán a cortar o tráfico durante tres semanas entre a glorieta da ITV e a Avenida de Arsenio Iglesias.
As restriccións comezarán o martes 9 de agosto ás 8h e restablecerase o tráfico o 26 de agosto ás 19h.
O dispositivo de tráfico empregará sinais de preaviso situadas a 300 metros da chegada ás glorietas advertindo do corte e expoñendo itinearios alternativos que se basan en bordear polas perpendiculares o vial según este plano.
- Avda Enerxía-Avda Prensa-Avda Moda
- Avda Enerxía-Avda Ponte-AC-552
- Avda Ponte-AC-552
- Avda Arsenio Iglesias
Mantense aberto un itinerario peonil, do paseo fluvial, que estará perfectamente sinalizado, delimitado e balizado con barreiras.
O corte é imprescindible para poder traballar en condicións de seguridade durante a execución das excavacións das arquetas dos decantadores hidrodinámicos así como nas arquetas dos aliviadoiros que representan unha ocupación en planta por movemento de terras de 6×4 mts e 5×5 mts o que fai inviable a súa execución a tráfico aberto mantendo o dobre sentido da circulación. As profundidades da excavación e o tráfico pesado ou lixeiro xeraría descalces nos muros ou soleras das parcelas colindantes.
