A Deputación de A Coruña organiza a Campaña de Esquí 2022, que terá lugar na estación invernal de Valgrande-Pajares (Asturias), para nenos e nenas de toda a provincia, de 12 a 15 anos (cumpridos a 31 de decembro de 2021). Os participantes gozarán de catro días na estación invernal, ademais dos cursos de esquí.
Ao Concello de Arteixo concedéronlle 12 prazas para rapaces empadroados en Arteixo, correspondéndolle a cuarta quenda, do 4 ao 7 de febreiro de 2022. O transporte desde a comarca, tanto de ida como de volta está incluído na oferta. Terán preferencia as persoas que non foran a ningunha campaña de neve da Deputación.
Cada participante deberá aboar unha cuota de inscrición de 85 €.
Máis información: https://www.dacoruna.gal/deportes/esqui-2
PROCEDEMENTO DE INSCRICIÓN
- PREINSCRICIÓN: As preinscricións deberán entregarse con data límite o 14 de decembro antes das 14.00 h
- Descarrega o formulario aquí
- No Servizo Municipal de Deportes, na Avenida Arsenio Iglesias s/n de luns a venres de 09.00 h a 14.00 h
- Na dirección de correo electrónico deportes@arteixo.org
- SORTEO PÚBLICO. No suposto que existan máis solicitudes que prazas ofertadas (13) realizarase un sorteo público ante o Secretario Municipal que terá lugar o mércores 15 de decembro ás 09.30 h no salón de plenos municipal.
- MATRÍCULA. As persoas que teñan praza adxudicada deberán entregar a seguinte documentación no Servizo Municipal de Deportes antes das 14.00 h do 23 de decembro. No caso que o Concello detecta que falta algunha documentación, non será admitida:
- Ficha de inscrición debidamente cuberta e asinada polos pais ou titor/a do/a solicitante.
- Fotocopia da tarxeta sanitaria.
- Fotocopia do carné de identidade ou libro de familia.
- Copia do aboamento da cota de inscrición (cando a praza estea confirmada e no número de conta dado pola Deputación e publicado na súa web).
- No caso de que o/a neno/a tivese tratamento ou doenza que teñan que ser tidos en conta, axuntarase certificado médico asinado por facultativo/a. De igual xeito, no caso de medicación
específica ou alerxia alimentaria ou doutro tipo.
- Todas as persoas solicitantes que non obtivesen praza, pasan a formar parte da listaxe de espera.