A Deputación da Coruña, dentro da súa programación deportiva pon en marcha os campamentos deportivos deste verán destinados a máis de 500 rapaces e rapazas dos concellos da provincia.
Ao Concello de Arteixo correspóndenlle 14 prazas na 4ª quenda, do 14 ao 19 de xullo.
Os campamentos están destinados a nenos e nenas nados entre o 1 de xaneiro de 2010 e o 31 de decembro de 2015, empadroados en Arteixo e desenvolveranse no IES Rosalía Mera da Coruña.
O prezo do campamento é de 85 euros, que inclúe aloxamento e manutención.
Os interesados deben cubrir o formulario de preinscrición e entregalo no Servizo Municipal de Deportes de forma presencial ou na dirección de correo electrónico deportes@arteixo.org.
O prazo de preinscrición remata o 28 de maio.
No caso de ter máis solicitudes que as prazas concedidas a este Concello, realizarase un sorteo público no salón de plenos da Casa do Concello o día 31 de maio de 2024 ás 10.00 horas.