O Concello pon a disposición da veciñanza a alegación tipo que poderán utilizar para se opoñer ao parque eólico de Pedra Queimada, en Monteagudo.
O prazo para presentala finaliza o próximo 17 de agosto.
O Concello está en contra da instalación dun novo aeroxenerador na zona de Pedra Queimada, na parroquia de Monteagudo no seu linde coa Laracha e Carballo, debido ao seu negativo impacto ambiental e a súa proximidade a núcleos rurais.
O Concello actúa así do mesmo xeito que fixera no parque de Santa Leocadia para o que tamén preparou unha alegación tipo que puxo a diposición da veciñanza. Tamén esta administración manterá a mesma posición respecto da liña eléctrica de evacuación que abastece a outro parque situado en Carballo.
En todos os casos o Concello, ademáis da alegación tipo facilitada á veciñanza, presentará informes técnicos en contra da instalación de aeroxeneradores.
