O labor como servizo público dependente da Consellería de Educación da sección da EOI en Arteixo, está a ser validado pola consolidación de prazas nos últimos anos e como consecuencia directa amplía a súa oferta educativa:
- Cursos de árabe e alemán do nivel A1 (básico).
- Continúan os cursos de inglés presenciais e certificativos, dende o nivel A1 (Básico) até o C1 (Avanzado).
- Introdúcense cursos de destrezas en inglés, en concreto, cursos de conversa de niveis B2 (Intermedio) e C1 (Avanzado)
As datas para os procesos administrativos tanto da matrícula para a proba de clasificación, como para a preinscrición do alumnado novo nos diferentes niveis son dende mediados de xuño até principios de xullo dependendo do caso.
Aconséllase consultar toda a información no enderezo web da sección AQUÍ , ou chamando ao teléfono 698128017.