Desde o Concello de Arteixo, conscientes de que o deporte é un fenómeno universal que cobra cada vez máis relevancia na nosa sociedade, faise un esforzo importante en políticas deportivas e no desenvolvemento de distintos programas, para achegar a toda a cidadanía á práctica da actividade física e o deporte.
Froito de todo este traballo o tecido asociativo deportivo local medra ano tras ano para dar resposta ás inquedanzas e demandas da veciñanza, complementando os servizos de utilidade pública e interese social que debe prestar o Concello dentro das súas competencias.
Tratando de resaltar e valorar a labor deportiva dos nosos organismos, institucións públicas, entidades privadas e persoas que dalgún xeito contribuíron de forma notoria a engrandecer e ampliar a práctica deportiva da nosa localidade, vaise celebrar o vindeiro 2 de decembro a Gala do Deporte de Arteixo 2022. Por iso, convócanse premios entre os deportistas e persoas relacionadas co mundo do deporte en Arteixo, cunha traxectoria deportiva relevante, tratando de resaltar a labor deportiva e o traballo realizado de todos os que dalgún xeito fan do deporte o centro das súas vidas.
A entrada ao evento é por invitación que poderá recollerse no Pazo dos Deportes desde o luns 28 de novembro ata completar o aforo.
Os nominados na gala do deporte de Arteixo 2022 son os seguintes, logo da reunión do xurado do pasado martes 22 de novembro.
