Xa está aberto o prazo para participar nunha nova edición da Carreira Popular Concello de Arteixo que se celebrará o vindeiro luns 1 de maio.
A proba, organizada polo Concello, conta coa colaboración de diversas entidades deportivas e empresas patrocinadoras. Trátase dun dos eventos deportivos máis multitudinarios da comarca. Esta nova edición da carreira popular mantén o seu carácter solidario e servirá para apoia ao Banco de Alimentos Rías Altas e á entidade Stop Leucemia, Fundación contra o Cancro Hematolóxico.
O prazo para formalizar a inscrición, totalmente gratuíta, rematará o próximo luns 24 de abril ás 23´59h, para inscribirse obrigatoriamente hai que facelo neste enlace.