O concello de Arteixo comezou as reunións técnicas para a redacción dunha nova Axenda Urbana municipal. Con este obxectivo, a Oficina de Planificación municipal convocou unha sesión interdepartamental con todos os técnicos do concello que se celebrou no edificio Arteixo Innovación, para empezar a definir proxectos de carácter estratéxico para o futuro de Arteixo.
Entre as iniciativas que se barallan poñer en marcha aparecen proxectos para derrubar as barreiras dixitais que moitos cidadáns atópanse á hora de relacionarse coas diferentes administracións, poñendo en marcha ferramentas que faciliten o intercambio de información dixital entre as administracións e os veciños.
Outra das iniciativas estaría dirixida a converter Arteixo nun destino de organización de eventos como feiras empresariais, congresos tecnolóxicos ou certámenes agroalimentarios. Un terceiro elemento a potenciar a través desta nova axenda urbana sería serguir con obras de humanización e conexión peonil entre os diferentes núcleos de poboación.
Son algunhas das liñas de traballo que está a definir o concello de Arteixo, e que está a afrontar na elaboración do seu proxecto de nova Axenda Urbana, que tamén servirá como un documento que sirva de candidatura a próximas convocatorias de fondos europeos, o que obrigará ao concello a seguir de maneira escrupulosa a metodoloxía aplicable ás esixencias das convocatorias destes fondos. En aplicación da devandita metodoloxía e co obxecto de avanzar nos traballos da candidatura municipal a fondos europeos, realízanse tamén estas mesas de traballo interdepartamentales. Debido á necesidade de que estivesen representados todos os departamentos municipais para lograr así unha visión 360º do concello, era imprescindible que cada participante como responsable técnico municipal puidese expoñer a súa visión particular así como facer propostas de proxectos de maneira conxunta. Acordouse entre os responsables da Oficina e a asistencia técnica afrontar estas xornadas co fin de comezar a definir propostas de proxectos concretos.
As reunións tamén se centran na visión actual do municipio por parte de cada un dos asistentes, dando como resultado un relato enriquecido e transversal ao futuro documento da candidatura; abordándose noutras fases da sesión a elaboración dunha batería de posibles proxectos que dean resposta aos desafíos que foron expostos por parte da cidadanía.
