A Deputaciòn Provincial ven de anunciar a concesión dunha subvención que, por importe de 25.068,71€, contribuirá ao mantemento dos areais do concello no exercicio 2022.
Con esta axuda contribúese ao mantemento das praias do termo municipal nun estado óptimo de limpeza que permita a súa goce.
A actuación lévase a cabo nos areais de Combouzas, Reiro, Barrañán, Valcovo, A Hucha, A Salsa, Sabón e Suevos
O servizo de limpeza de praias, tanto de xeito manual como mecánico, cubre un área total de máis de 51 hectáreas, repartidas nas 9 praias do municipio. A limpeza realízase de tal maneira que non afecte á calidade da praia por arrastre de áridos, nin ao seu equilibrio ecolóxico respectando sempre a fauna e flora da contorna. Nos areais ademáis, colocáronse 55 áreas de papeleiras para a recollida selectiva da fracción resto, fracción bioresiduos e fracción envases lixeiros.
